Историски потег: ВМРО-ДПМНЕ без кандидати за градоначалници во западна Македонија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Историски потег: ВМРО-ДПМНЕ без кандидати за градоначалници во западна Македонија

22 јули 2025

• од Станча Јаќимовски

Претседателот на ВМРО-ДПМНЕ и актуелен премиер, Христијан Мицкоски, го потврди историскиот потег на неговата партија – за прв пат ВМРО-ДПМНЕ нема да настапи со свои кандидати за градоначалници во општините од западна Македонија на претстојните локални избори.

Во изјава за медиумите, Мицкоски го оцени текот на разговорите со коалициските партнери како „исклучително конструктивни“ и истакна дека сè се одвива во „позитивна насока“. Според него, до средината на август ќе се финализираат анализите и стратешките договори со коалиционите партнери, по што ќе следи официјално соопштение до јавноста.

„Очекувам Владата помеѓу 5-ти и 15-ти август да биде на годишен одмор. Во тој период ќе продолжат анализите и разговорите, а во втората половина на август ќе се официјализираат одлуките,“ рече Мицкоски.

Тој посочи дека разговорите со „внатрешната коалиција“ се веќе завршени, а останува само да се прецизираат поддршките на локално ниво. Мицкоски ја потврди намерата партијата да обезбеди поддршка за кандидати за градоначалници предложени од нивните коалициони партнери во западна Македонија.

„Логично е во сите општини да се поддржуваме едни со други. Мислам дека тоа ќе биде позитивен процес кој ќе заврши во втората половина на август,“ изјави тој.

Со овој потег, ВМРО-ДПМНЕ испраќа јасна порака за приоритетот на коалициската стабилност и соработка, оставајќи простор за идни заеднички настапи на локално и национално ниво. Останува да се види кои ќе бидат договорените кандидати и како оваа нова стратегија ќе се одрази врз резултатите на партијата на изборите.