Инспектор од МВР фатен со див приклучок за вода – Нападната советничка во Скопје (ВИДЕО)

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Инспектор од МВР фатен со див приклучок за вода – Нападната советничка во Скопје (ВИДЕО)

08 јули 2025

• од Станча Јаќимовски

Градоначалничката на Скопје, Данела Арсовска, објави шокантен инцидент поврзан со злоупотреба на водоснабдувањето во градот. Според нејзината објава на социјалните мрежи, инспектор од Министерството за внатрешни работи бил фатен додека правел нелегален приклучок за вода, при што, во обид да ја избегне одговорноста, физички ја нападнал советничката од Советот на Град Скопје, Ирена Витина.

Арсовска нагласи дека ситуацијата со водоснабдувањето во Скопје е критична. Според неа, изворот Рашче, како и дополнителниот бунарски систем, немаат капацитет да обезбедат доволно питка вода за градот, особено во услови на суша и високи температури. Таа предупреди дека дневната потрошувачка достигнала рекордни 356.000 кубни метри вода, што значи околу 700 литри вода по жител, значително над нормалното ниво.

„Водата е природен ресурс и не се создава во фабрика. Таа извира од природата, а нерационалната и нерегулирана потрошувачка од страна на несовесни граѓани ја загрозува стабилноста на системот“, порача Арсовска.

Градоначалничката истакна дека секојдневно се откриваат околу 30 диви приклучоци – за наводнување ниви, полнење базени и снабдување дивоградби, при што корисниците не плаќаат за потрошената вода. Ова, според неа, создава енормен притисок врз системот, а институциите, особено МВР, не преземаат соодветни мерки.

Во најновиот случај, фатен бил инспектор по име Бујо, кој, откако бил откриен на лице место, реагирал насилно и физички ја нападнал советничката Ирена Витина пред очите на неговите колеги од МВР. Инцидентот, тврди Арсовска, се случил пред десет сведоци и целосно е документиран на видео.

„Сè додека некој од овие сторители не заврши во затвор, ситуацијата само ќе се влошува. Немаме друг извор на вода – џабе жалби, џабе негодување“, истакна Арсовска, повикувајќи на итна реакција од институциите и одговорност за сите вклучени.

Инцидентот го отвора прашањето за системската заштита на јавните ресурси и потребата од строго спроведување на законот, особено кога прекршителите доаѓаат од самите институции кои треба да го гарантираат редот и законот.