Инфлацијата достигна 4,5% – СДСМ обвинува за економска неспособност на Владата

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Инфлацијата достигна 4,5% – СДСМ обвинува за економска неспособност на Владата

08 јули 2025

• од Станча Јаќимовски

Според Социјалдемократскиот сојуз на Македонија (СДСМ), најновите податоци од Државниот завод за статистика за годишната инфлација, која во јуни 2025 година достигна 4,5%, се доказ за неспособноста на Владата предводена од ВМРО-ДПМНЕ и премиерот Христијан Мицкоски. Од СДСМ предупредуваат дека растот на трошоците за живот сериозно ја погодува секојдневната егзистенција на граѓаните и ја поткопува нивната куповна моќ.

„Животот станува сè поскап, а граѓаните го чувствуваат ударот на секој чекор – од маркетите до сметките за комунални услуги. Оваа инфлација ја јаде нивната плата и штедна книшка“, посочуваат од партијата. Тие додаваат дека инфлацијата не само што го уништува семејниот буџет, туку и го забавува економскиот раст на државата.

СДСМ ја критикува Владата за, како што велат, манипулации со економските податоци. „Мицкоски тврди дека економијата расте, но реалноста е дека БДП-то не е зголемено за 3,4% како што тврди, туку за 3%, што во услови на инфлација од 4,5% значи реален пад, а не раст“, стои во соопштението.

Според СДСМ, Македонија заостанува зад останатите земји од регионот според економскиот стандард. Тие наведуваат дека БДП по жител, според куповната моќ, изнесува само 42% од просекот на Европската Унија, што е пониско дури и од Србија и Црна Гора.

Партијата остро го осудува и неодамнешниот ребаланс на буџетот, кој, според нив, е насочен кон трошоците на функционерите, наместо кон потребите на граѓаните. „Нема пари за зголемување на минималната плата, но има за повисоки плати на функционерите – ова е јасен приоритет на Владата“, велат од СДСМ.

СДСМ повторно апелира до Владата итно да преземе конкретни мерки за заштита на животниот стандард на граѓаните, меѓу кои и зголемување на платите и поддршка за социјално најзагрозените категории. Според нив, неопходна е одговорна економска политика, насочена кон реалните проблеми, а не празни политички ветувања.