ХАОС во МРТ: Нема вода веќе една недела – вработените без тоалет и хигиена!

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ХАОС во МРТ: Нема вода веќе една недела – вработените без тоалет и хигиена!

08 јули 2025

• од Станча Јаќимовски

Сериозен проблем со основните хигиенски и работни услови ја потресе зградата на Македонската радио телевизија (МРТ), каде што веќе една недела нема вода. Вработените, но и други државни службеници сместени во истиот објект, се жалат на тешка и понижувачка ситуација, која директно го загрозува нивното здравје и достоинство.

Според информациите што пристигнаа до редакцијата на Инфомакс, проблемот трае повеќе од седум дена, за време на кои нема пристап до вода, а со тоа и до основни санитарни услови. Тоалетите не функционираат, нема можност за одржување лична хигиена, што претставува грубо прекршување на здравствените и безбедносни стандарди за работна средина.

„Во јавната институција МРТВ нема вода веќе цела недела. Вработените се принудени да доаѓаат на работа и да остануваат по 8 часа дневно, без никакви услови за хигиена. Ова е понижувачко и ризично по здравјето“, стои во пораката што ја доби нашата редакција.

Покрај недостатокот на вода, не функционираат ниту лифтовите во зградата, што претставува дополнителна пречка, особено за лица со ограничена подвижност и здравствени потешкотии.

Овој проблем отвора прашања за (не)одговорноста на институциите кои управуваат со објектот, но и за односот кон јавните службеници и медиумските работници, кои секојдневно се соочуваат со услови што не се достојни за работа.

Апелот на вработените е јасен – итна реакција од надлежните и преземање мерки за нормализирање на состојбата. Очекуваат конкретно решение, а не молк и игнорирање на проблемот кој секојдневно ги погодува.

Останува да се види дали институциите конечно ќе се разбудат и ќе обезбедат основни, човечки услови за работа во националната радиодифузна куќа.