Гувернерот Славески: Ќе проверам во Лондон дали златото е уште таму

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Гувернерот Славески: Ќе проверам во Лондон дали златото е уште таму

23 јули 2025

• од Станча Јаќимовски

Гувернерот на Народната банка на Република Северна Македонија, Трајко Славески, денеска во духот на шега најави дека наесен ќе го посети седиштето на Банката на Англија за лично да се увери дали монетарното злато на Македонија, што се чува таму, е сè уште на своето место.

Изјавата беше дадена за време на неговата посета на Стопанската комора на Северна Македонија, на средба со претставници од бизнис заедницата. Одговарајќи на прашање од претседателот на Комората, Бранко Азески, Славески со насмевка рече:
„Златото го чуваме во Банката на Англија и планирам со мој тим некаде наесен да одиме да провериме дали е таму“, алудирајќи на слична изјава на поранешниот американски претседател Доналд Трамп кој своевремено се пошегува дека ќе го посети Форт Нокс за да провери дали американското злато е навистина таму.

Славески сериозно го допре и прашањето за монетарното злато во девизните резерви на државата, истакнувајќи дека тој дел од резервите не е на задоволително ниво.

„Не можам да разберам зошто е прекината практиката Народната банка да откупува злато од домашните рудници и да го вклучува во девизните резерви. Во минатото тоа се правеше, а денеска ситуацијата е поинаква. Во услови на глобална неизвесност, златото е еден од најсигурните начини за заштита на вредноста“, рече Славески, посочувајќи дека во изминатата година цената на златото се зголемила двојно.

Тој додаде дека во периоди на геополитички тензии, инвеститорите традиционално се насочуваат кон стабилни и сигурни средства како што е златото.

Иако изјавата за патување во Банката на Англија беше дадена со доза на хумор, таа сепак го отвора прашањето за транспарентноста и управувањето со девизните резерви на Македонија, особено во делот на монетарното злато.