„Фокус“ открива: Кој обвинител и кој шеф „се премислија“ за Артан Груби?

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

„Фокус“ открива: Кој обвинител и кој шеф „се премислија“ за Артан Груби?

24 февруари 2026

• од Станча Јаќимовски

Откако судија на претходна постапка му одреди куќен притвор на поранешниот вицепремиер Артан Груби, во јавноста следуваа бројни реакции насочени кон судот. Сепак, според законската процедура и информациите со кои располага „Фокус“, клучната одлука во однос на мерката за обезбедување произлегува од ставот на скопското јавно обвинителство, а не од самостојна проценка на судот.

Обвинителството побарало поблага мерка

Во текот на денот, одбраната на осомничениот доставила предлог до судот за замена на мерката притвор со куќен притвор. Согласно законската постапка, предлогот бил проследен до надлежното јавно обвинителство за да се произнесе.

Од таму било доставено позитивно мислење, со кое обвинителството се согласило со предлогот за поблага мерка. Дополнително, на самата расправа јавниот обвинител предложил определување поблага мерка за обезбедување од претходно определената.

Со оглед дека обвинителството ја води истрагата и согласно своите законски овластувања оценува која мерка е соодветна и доволна за непречено водење на постапката, судот нема можност да изрече построга мерка од онаа што ја бара обвинителството.

Одлуката на судот

Врз основа на доставеното позитивно мислење и предлогот од јавниот обвинител, судот го сослушал осомничениот во присуство на негов бранител и донел решение за замена на мерката притвор со куќен притвор со 24-часовен надзор.

Надзорот е доверен на Министерството за внатрешни работи, а дополнително е изречена и мерка на претпазливост – одземање на патната исправа и забрана за издавање друг документ за преминување на државната граница, информираа од Кривичниот суд.

Кој стои зад одлуката?

Како што дознава „Фокус“, предметен обвинител во случајот е обвинителот Даниел Коцев, додека негов непосреден раководител е обвинителот Анел Фидоски, кој неодамна беше избран за раководител на најголемото обвинителство во државата.

Со оглед на тоа што обвинителството дало позитивно мислење за замена на притворот со куќен притвор, одговорноста за ваквиот исход, според правната рамка, паѓа токму на обвинителскиот тим кој ја води истрагата, а не на судот кој постапува во рамки на поднесениот предлог.