Филипче: Врв на безобразие – нема пари за плати, а има за нов владин авион

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Филипче: Врв на безобразие – нема пари за плати, а има за нов владин авион

11 февруари 2026

• од Станча Јаќимовски

Претседателот на СДСМ, Венко Филипче, денеска во Собранието остро ја критикуваше Владата по најавата за купување нов владин авион, оценувајќи ја како врв на безобразие во време кога граѓаните и работниците се соочуваат со сериозни егзистенцијални проблеми.

Одговарајќи на новинарско прашање, Филипче истакна дека ваквата одлука не е изненадување, бидејќи, како што рече, актуелната власт досега покажала дека се грижи исклучиво за сопствениот комодитет, а не за животниот стандард на граѓаните.

„Ова воопшто не зачудува, затоа што власта со сѐ што прави покажува дека се грижи само за себе. Одговорна власт се грижи за сѐ, а најмногу за квалитетот на животот на граѓаните“, нагласи Филипче.

Тој посочи дека во момент кога работниците протестираат и бараат повисоки плати за да можат да врзат крај со крај, Владата најавува луксузирање и трошење народни пари за нов авион.

„Луѓе надвор протестираат за поголема плата, за да преживеат до крајот на месецот, а тие најавуваат купување нов владин авион. Тие не се грижат каков немир ќе предизвикаат кај различни социјални слоеви. Ова комплетно личи на нив“, порача Филипче.

Претседателот на СДСМ додаде дека ваквото однесување е уште една потврда за, како што рече, неодговорното владеење кое ја изолира земјата, го блокира евроинтегративниот процес и не презема одговорност за коруптивните скандали.

„Максимално го осудувам ова. Секојдневно укажуваме дека ова не е добра власт – ја изолираа државата, измислуваат проблеми за да не се продолжи евроинтегративниот пат и не одговараат за коруптивните скандали. Напротив, тие се наградуваат и промовираат, добиваат десетици тендери со државни пари. Па каде го има тоа? Работници штрајкуваат, а Владата најавува нов авион. Ова не личи на ништо“, заклучи Филипче.