Филипче со велигденска порака: Надежта и светлината секогаш победуваат

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Филипче со велигденска порака: Надежта и светлината секогаш победуваат

12 април 2026

• од Тодор Вангелов

Венко Филипче, по повод големиот христијански празник Воскресение Христово – Велигден, упати честитка до граѓаните од православната вероисповед, истакнувајќи ја симболиката на празникот како победа на животот над смртта и поттик за нови почетоци.

Во својата честитка, Филипче нагласи дека Велигден носи силна порака за надеж и истрајност, особено во предизвикувачки времиња.

„На сите верници од православната вероисповед им го честитам денешниот голем христијански празник, Воскресение Христово – Велигден“, порача Филипче.

Тој потенцира дека празникот претставува симбол на спасението и крајот на Христовите страдања, но и инспирација за надминување на животните предизвици.

„Велигден е празник кој ни дава сила и носи надеж за нови и подобри почетоци. Победата на животот над смртта е силна порака дека и во најтешките моменти, светлината и надежта секогаш победуваат“, истакна лидерот на СДСМ.

Филипче додаде дека духовната димензија на празникот повикува на вредности како добрина, човечност и заедништво, кои, според него, се клучни за градење праведно и солидарно општество.

Во пораката, тој упати и повик за заедничко надминување на предизвиците и создавање подобра иднина за сите граѓани.

„Со верба и надеж за нови почетоци, да го надминеме секој предизвик и да создадеме иднина каква што заслужуваат нашите граѓани“, нагласи Филипче.

На крајот од честитката, тој им посака на граѓаните добро здравје, душевен мир и благосостојба во нивните домови, честитајќи го празникот со традиционалниот поздрав:

„Христос Воскресна, навистина Воскресна! За многу години Велигден.“