Филипче: Повеќе ѝ веруваме на DEA отколку на Владата на Мицкоски

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Филипче: Повеќе ѝ веруваме на DEA отколку на Владата на Мицкоски

13 февруари 2026

• од Станча Јаќимовски

Претседателот на СДСМ, д-р Венко Филипче, во вечерашното гостување во емисијата „Само интервју“ на телевизија Канал 5, упати остри критики до Владата во врска со случајот со запленетата марихуана, нагласувајќи дека опозицијата повеќе ѝ верува на меѓународните институции отколку на актуелната власт.

Филипче изјави дека доколку Американската агенција за борба против нелегална трговија со наркотици (DEA) посочува дека се случил шверц, тогаш таквите информации имаат поголема тежина од изјавите на Владата и на ВМРО-ДПМНЕ.

„Ако во Србија има официјален документ од Српското обвинителство во кој што се спомнува Македонија како извор на дрогата, ако Американската агенција DEA е вклучена во ова и кажува дека се случил таков шверц, извинете, ние повеќе веруваме на дела, отколку на ВМРО и на премиерот“, изјави Филипче.

Тој додаде дека во повеќе наврати, според него, се покажало дека ниту премиерот ниту Владата се доволно кредибилни, поради што, како што рече, не може да им се верува на нивните изјави.

Бара одговори од институциите

Во интервјуто, Филипче потенцираше дека клучното прашање е зошто институциите молчат и не даваат одговори во врска со случајот.

„Вистинското прашање е зошто нема одговори од институциите? Кој дозволил четири или пет шлепери да транзитираат низ државата, да стигнат на граница, да ги пропушти полиција, да ги пропушти царина и да завршат во Србија?“, праша Филипче.

Тој отвори и дополнителни дилеми: дали постојат снимки од граничните премини, кој бил на смена од царинските и полициските службеници и дали некој свесно ги пропуштил возилата.

Според него, токму отсуството на одговори од премиерот и од надлежните институции дополнително ги продлабочува сомнежите во јавноста околу целиот случај.

Филипче порача дека граѓаните заслужуваат целосна транспарентност и одговорност, наместо молк и избегнување на одговорност од страна на власта.