Филипче: Корупцијата доведе до големата трагедија во Кочани

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Филипче: Корупцијата доведе до големата трагедија во Кочани

13 март 2026

• од Станча Јаќимовски

Претседателот на СДСМ, Венко Филипче, оцени дека корупцијата е главната причина за трагедијата во Кочани во која загинаа 63 млади лица. Во интервју за неделникот „Фокус“, тој посочи дека истата појава стои и зад несреќата со падот на настрешницата во Нови Сад, Србија.

Филипче направи споредба меѓу двете трагедии, нагласувајќи дека зад нив стои истиот проблем – системска корупција. Според него, политиките на владејачките партии во двете земји, ВМРО-ДПМНЕ во Македонија и СНС во Србија, создале услови за вакви несреќи.

„Еднаш реков дека Србија има настрешница, а Македонија Кочани. Она што најмногу е заедничко е корупцијата. Таа корупција доведе до паѓање на настрешницата во Нови Сад, а изгледа дека истото доведе и до трагедијата во Кочани“, изјави Филипче.

Тој упати критики и кон премиерот Христијан Мицкоски, тврдејќи дека наместо одговорност и искрена поддршка за повредените и нивните семејства, трагедијата била искористена за политички маркетинг.

Филипче посочи дека сличен пристап имал и српскиот претседател Александар Вучиќ, кој, како што рече, ја посетил болницата со голем број камери и придружба, иако повредените пациенти биле сместени на стерилни одделенија со ограничени посети.

„Замислете повредени што се на стерилни одделенија, без право на посета за да не дојде до инфекција, а тој носи цела свита заради својата кампања. Веднаш потоа Мицкоски го направи истото. Дали се свесни дека можеле да им го загрозат животот на тие пациенти? До каде оди и што ризикуваат, само заради кампања?“, изјави Филипче.

Во интервјуто, лидерот на СДСМ упати и поширока критика за функционирањето на државата под актуелната власт, оценувајќи дека институциите не функционираат како што треба.

„Овде нема држава, овде има криминална организирана група – ВМРО“, изјави Филипче.

Тој нагласи дека, според него, неопходна е темелна одговорност и расчистување на причините за трагедијата во Кочани, со цел вакви настани никогаш повеќе да не се повторат.