Филипче: Христијан Мицкоски е прокси руски играч во регионот и тука во Македонија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Филипче: Христијан Мицкоски е прокси руски играч во регионот и тука во Македонија

26 март 2026

• од Станча Јаќимовски

Лидерот на СДСМ, Венко Филипче, во гостување во емисијата „Топ Тема“ на Телма упати остри критики кон премиерот Христијан Мицкоски, обвинувајќи го дека делува како „прокси руски играч во регионот и тука во Македонија“.

Филипче оцени дека актуелната Влада ја довела државата во политичка и економска зависност од Унгарија и од кругови блиски до унгарскиот премиер Виктор Орбан. Според него, ваквата ориентација не е во согласност со стратешките определби на државата и ја оддалечува од европскиот пат.

Во своето излагање, Филипче се осврна и на наводите за унгарско посредување во пренесување информации од затворени состаноци на Европската Унија кон рускиот претседател Владимир Путин. Тој ја поврза оваа тема со, како што рече, низа одлуки на македонските власти во сферата на кредитирањето, инфраструктурата, телекомуникациите и енергетиката.

„Единствено кој коленичи беше Христијан Мицкоски“, изјави Филипче, потсетувајќи на, како што наведе, партиски митинг на кој премиерот „на колена молел за власт“ и ветувал враќање на името – ветување кое, според него, не било исполнето. Тој оцени дека ваквите изјави се дел од „лажна реторика“ што ја следи политиката на премиерот во изминатиот период.

Филипче отвори и прашања околу заемот од една милијарда евра преку унгарската влада, барајќи одговори за условите под кои е земен кредитот и зошто, според него, не биле искористени поповолни финансиски извори. Дополнително, ја критикуваше одлуката приоритет да му се даде на Коридорот 10 наместо на Коридорот 8, тврдејќи дека државата со тоа изгубила 140 милиони евра европски грантови.

Лидерот на СДСМ постави и прашања за улогата на унгарски компании во телекомуникацискиот и енергетскиот сектор во Македонија, наведувајќи дека станува збор за фирми блиски до Орбан. Според него, ова не претставува класична билатерална соработка, туку политичко позиционирање што оди спротивно на интересите на Европска Унија и на државата.

Филипче заклучи дека, како што рече, ваквите политики ја ставаат Македонија во ризик од долгорочна зависност и ја оддалечуваат од нејзините европски перспективи.