Филипче: Буџетската дупка расте, економската состојба во државата сериозно се влошува

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Филипче: Буџетската дупка расте, економската состојба во државата сериозно се влошува

08 март 2026

• од Станча Јаќимовски

Економската состојба во државата е сериозно влошена, а проблемите во јавните финансии веќе имаат директно влијание врз работењето на компаниите, предупреди претседателот на СДСМ, Венко Филипче, на регионалната средба со општинските организации од изборната единица 4, која се одржа во Струмица.

Во своето обраќање, Филипче посочи дека буџетската дупка се продлабочува, додека државата продолжува со нови задолжувања за да ги покрие тековните финансиски обврски.

„Ја следиме ситуацијата со финансиите. Владата бара заеми. Последниот е околу 300 милиони евра. Дупката во Буџетот е некаде околу 2 милијарди евра. 1 милијарда евра се издаде еврообврзница, меѓутоа тоа не е доволно“, изјави Филипче.

Тој нагласи дека доцнењето во исплатата на обврските од страна на државата веќе создава сериозни проблеми за приватниот сектор. Според него, државата должи значителни средства кон економските субјекти, што дополнително ја усложнува нивната финансиска состојба.

„Се доцни со исплатата кон економските субјекти, некаде околу 500 до 600 милиони евра. Околу 100 милиони евра е долгот по основ на повратот на ДДВ за компаниите. Има компании кои што затвораат затоа што не можат да издржат – земаат кредити. Луѓето живееле од повратот на ДДВ, од тие пари, а сега земаат кредити, заглавуваат и компаниите ги затвораат“, рече тој.

Филипче предупреди дека ваквата состојба може да доведе во прашање и редовната исплата на платите и пензиите, особено ако економските параметри останат непроменети.

Тој оцени дека ситуацијата дополнително може да се влоши наесен, поради продолжената енергетска криза и геополитичките случувања на Блискиот Исток.

„Под сериозен знак прашање е редовната исплата на платите и на пензиите. Наесен, кога ќе се наталожат последиците од енергетската криза која очигледно нема брзо да спласне, поради случувањата на Блискиот Исток, со актуелната финансиска криза, долговите, дупката во Буџетот и во Фондот за пензиско осигурување, економската состојба во земјава може да биде блиску до катастрофа“, предупреди Филипче.

Регионалната средба во Струмица е дел од серијата партиски состаноци на СДСМ со локалните организации, на кои раководството на партијата дискутира за актуелната политичка и економска состојба во земјата.