ДУИ реагира за случајот со Невриј Адеми:Нападите врз новинарите се закана за демократијата

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ДУИ реагира за случајот со Невриј Адеми:Нападите врз новинарите се закана за демократијата

25 март 2026

• од Станча Јаќимовски

Демократската унија за интеграција (ДУИ) изрази сериозна загриженост и остар протест поради, како што наведуваат, неприфатливиот став на Владата и начинот на комуникација кон новинарот Невриј Адеми. Според партијата, ваквиот пристап претставува директен удар врз слободата на медиумите и демократските вредности во државата.

ДУИ потенцира дека во едно демократско општество, новинарите имаат обврска да поставуваат прашања во интерес на јавноста. Од таму нагласуваат дека не постои „лошо прашање“, туку проблемот лежи во одговорите – односно во недостатокот на транспарентност, недоволната волја за спроведување на двојазичноста и тенденцијата институциите да ги напаѓаат новинарите наместо да понудат отчетност.

Партијата остро ги осудува нападите, етикетирањата и обидите за дискредитација на новинарите, оценувајќи дека тие претставуваат директен притисок врз медиумската слобода. „Да се биде новинар не е циркус“, порачуваат од ДУИ, додавајќи дека новинарите не се таму за да прават спектакл за власта, туку да бараат одговори, да отвораат прашања и да го штитат јавниот интерес.

Во реакцијата се истакнува и дека секој обид за заплашување или јавно понижување на новинарите претставува удар врз демократијата и слободата на говор. ДУИ смета дека институциите треба да бидат пример за демократска култура, толеранција и почит кон медиумите, наместо да создаваат атмосфера на линчување кон поединечни новинари.

Од партијата нагласуваат дека почитта не се гради преку соопштенија насочени против новинари, туку преку транспарентност, одговорност и коректна институционална комуникација.

На крајот, ДУИ упатува повик до Владата да се откаже од говорот на омраза и навредливата реторика кон новинарите, и да се фокусира на суштината на демократијата – отчетност пред граѓаните.

„Слободата на медиумите е темел на демократијата и не смее да биде загрозена од никого“, се вели во нивната реакција.