ДУИ: Ние сме создадени од крвта на УЧК и нема да дозволиме девалвирање на тие вредности

ДУИ) во ново јавно обраќање нагласува дека партијата не е и никогаш нема да биде засолниште за сервили, агенти на подземјето и предавници на националните интереси.

ДУИ потсетува дека е создадена од крвта на ОВК и е изградена врз вредностите на жртвата, посветеноста и достоинственото претставување на интересите на Албанците во Северна Македонија. Според партијата, овие вредности не можат да бидат извалкани од поединци кои повеќе од две децении профитирале од името и авторитетот на лидерот Али Ахмети, создавајќи фамилијарни кланови и мрежи со сомнителни врски во подземјето.

ДУИ директно го обвинува Изает Меџити дека не ја напуштил партијата поради принципи, туку поради лични интереси. Според соопштението, Меџити не успеал да го помине внатрешниот процес на проверка за корупција и идеолошки девијации што барале чистење на партијата, бидејќи токму тој бил дел од тие проблеми.

ДУИ оценува дека наместо да побара прошка за штетата нанесена на структурата и довербата кај членството, Изает Меџити денес се фали дека е дел од, како што го нарекуваат, „најантиалбанскиот проект во историјата на земјата“ – влада која го навредува албанскиот јазик, ја негира еднаквоста и ги исклучува Албанците од носењето одлуки.

Партијата ја отфрла и тврдењето на Меџити дека му било понудено враќање во ДУИ по повлекувањето на Али Ахмети, нарекувајќи го тоа „ниска лага и доказ за ароганцијата на човек што мисли дека партијата е предмет за тргување“.

ДУИ категорично порача:
„Ние не сме и никогаш нема да станеме прибежиште за кланови, непотизам, корупција и слуги на антиалбански проекти. Вредностите на Изает Меџити не се и никогаш нема да бидат наши вредности. Ние продолжуваме напред со народот, со младите, со идеалот и со визијата за еднаква и достоинствена држава за сите.“