Детската болница Козле остана без вода – пациентите ќе се примаат на други клиники

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Детската болница Козле остана без вода – пациентите ќе се примаат на други клиники

18 јули 2025

• од Станча Јаќимовски

Клиниката за респираторни заболувања кај децата „Козле“ во Скопје остана без вода поради што Министерството за здравство презеде итни мерки за згрижување на пациентите. Хоспитализациите времено ќе се пренасочуваат на Универзитетската клиника за детски болести и Универзитетската клиника за инфективни болести и фебрилни состојби.

Во болницата во Козле ќе продолжат со работа дневната болница и амбулантските прегледи, со цел да се обезбеди континуиран третман за најмладите пациенти.

„Оваа иницијатива е во насока на обезбедување континуитет во третманот и грижата за најмладите пациенти. Министерството за здравство ја следи состојбата и по нормализирање на водоснабдувањето во Универзитетската клиника за белодробни заболувања кај децата – Козле, непречено ќе продолжи хоспитализацијата на пациентите во оваа јавна здравствена установа“, соопшти Министерството за здравство.

Од болницата објаснуваат дека причината не е дефект, туку високата зона во која се наоѓа објектот – дел од населбата Водно – која е целосно без вода деновиве.

Како привремена мерка, јавното претпријатие Водовод и канализација доставило цистерни со техничка вода за основните потреби, а за пиење болницата добила донации од хумани граѓани и институции.

Состојбата со водоснабдувањето во Скопје е алармантна. Жители од повеќе скопски населби веќе со денови пријавуваат прекини во водоснабдувањето, а според нив, оваа ситуација се повторува секоја година во летниот период.

Надлежните институции засега не соопштија кога се очекува нормализирање на состојбата.