Денеска се празнува Светата великомаченичка Недела

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Денеска се празнува Светата великомаченичка Недела

20 јули 2025

• од Станча Јаќимовски

Во времето на христоборните цареви Диоклецијан и Максимијан, кога прогоните против христијаните беа особено сурови, во Анадолија живееја две побожни и благочестиви души, Доротеј и Евсевија. Иако богати, тие беа бездетни, но со постојана и смирена молитва испросија од Бога чедо – девојчето Недела. Таа уште од детството Му го посвети својот живот на Христа, одбегнувајќи ги детските игри и суетата на светот, живеејќи во воздржание, молитва и добрина.

Како што растеше, Недела стануваше сè поубава – не само по тело, туку и по душа. Многу просци сакаа да ја земат за жена, но таа сите ги одбиваше, со зборовите дека е веќе вереница на Господ Христос и дека сака да остане девствена, до самиот крај, заради Него.

Еден од одбиените, исполнет со гнев и завист, ја пријави Недела и нејзините родители како христијани на царот Диоклецијан. По наредба на царот, Доротеј и Евсевија беа измачувани и потоа протерани во градот Мелитина, каде и ги завршија своите животи, пострадувајќи за верата.

Света Недела беше пратена кај Максимијан на суд. Храбро и јасно ја исповеда својата вера во Христа, по што беше ставена на тешки маки: ја тепаа со воловски жили, ја гореа, ја фрлаа пред ѕверови – но ништо не можеше да ја поколеба. Одредена беше на нови мачења под раководство на војводите Иларион и Аполониј. Но и покрај најсвирепите измачувања, Недела остана непоколеблива. Додека лежеше ранета во темница, ѝ се јави самиот Господ Христос, ја исцели и ја укрепи со зборовите: „Недело, не плаши се од маките, Мојата благодат е со тебе.“

Божјата сила навистина ја чуваше – таа остана неповредена од огнот, ѕверовите не ја нападнаа, а морето не ја проголта. Сите што го гледаа ова чудо беа вчудовидени, а многумина незнабожци поверуваа во Христа. За жал, сите тие нови верници беа веднаш заклани од властите.

Во последниот обид да ја присили да се одрече, Аполониј ѝ се закани со смрт. Но Недела со мирен дух му одговори: „Ако ме фрлиш во оган – Тројцата младенци ми се пример; ако на ѕверови – ќе си спомнам на Даниил; ако во море – пророкот Јона ќе ми биде пред очи; а ако ме предадеш на меч – Чесниот Претеча ќе ми биде пред мене. За мене, живот е да умрам за Христа.“

Аполониј, поразен од нејзината вера, нареди да биде убиена со меч. Света Недела клекна, се помоли на Бога за сите што ќе го слават нејзиниот спомен, и уште пред мечот да ја допре, нејзината душа мирно се пресели кај Бога.

Таа чесно пострада за верата Христова и се упокои во 289 година во градот Никомидија. Нејзиниот пример остана засекогаш врежан во срцата на верните, како сведоштво за силата на верата, девственоста и љубовта кон Господ Исус Христос.

Света Недело, моли Го Бога за нас!