Денеска се празнува Собор на Светите славни и сефални Апостоли

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Денеска се празнува Собор на Светите славни и сефални Апостоли

13 јули 2025

• од Станча Јаќимовски

Денес, Православната црква го празнува Соборот на Светите славни и сефални Апостоли, ден посветен на сите Христови ученици кои, исполнети со Светиот Дух, го проповедаа Евангелието насекаде низ светот. Иако секој од апостолите има свој ден за посебно чествување, Црквата одредила еден соборен празник, веднаш по Петровден, за да се оддаде заедничка чест на нивната мисија и жртва.

Во овој собор се вбројуваат Дванаесеттемина апостоли, како и апостол Павле, кој, иако не беше меѓу првите дванаесет, со своето дело и страдање се изедначи со нив.

Имињата и деновите на празнување на апостолите се:

Свети Петар – 29 јуни и 16 јануари
Свети Андреј Првоповикан – 30 ноември
Свети Јаков, синот на Заведеј – 30 април
Свети Јован Богослов – 26 септември и 8 мај
Свети Филип – 14 ноември
Свети Вартоломеј – 11 јуни и 25 август
Свети Тома – 6 октомври
Свети Матеј Евангелист – 16 ноември
Свети Јаков Алфеев – 9 октомври
Свети Тадеј – 19 јуни
Свети Симон Зилот – 10 мај
Свети Матиј – 9 август
Свети Павле – 29 јуни

Маченичките страдања на апостолите

Големината на апостолите не се гледа само во нивното проповедништво и чуда, туку и во начинот на кој го завршиле животот – со голема вера, во мачеништво:

Петар – распнат на крст со главата надолу
Андреј – распнат
Јаков Заведеев – убиен со меч
Јован Богослов – единствениот што се упокои природно
Филип – распнат
Вартоломеј – распнат, одран и заклан
Тома – прободен со пет копја
Матеј – изгорен жив
Јаков Алфеев – распнат
Тадеј – распнат
Симон Зилот – распнат
Матиј – каменуван и расечен со секира
Павле – убиен со меч

Значењето на денешниот празник

Соборот на Светите Апостоли е ден за размислување и благодарност. Нивната вера, љубов и спремност за жртва се темелите на христијанството какво што го познаваме денес. Тие се пример за посветеност, храброст и духовна сила.

Црквата со овој празник нè потсетува дека верата се живее со дело, а вистината се брани дури и со животот.

Нека нивните молитви нè водат кон вистинска вера, надеж и љубов!