Денеска се празнува Преподобен Атанасиј Атонски

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Денеска се празнува Преподобен Атанасиј Атонски

18 јули 2025

• од Станча Јаќимовски

Денеска Православната црква го празнува споменот на Преподобен Атанасиј Атонски – основоположникот на општежителното монаштво на Света Гора и еден од највлијателните духовници во историјата на христијанството.

Роден е во градот Трапезунт, во Мала Азија, од благочестиви родители. Рано останал сирак, но Божјата Промисла се грижела за него – еден византиски војвода го зел со себе во Цариград, каде што му овозможил образование. Благодарение на неговата кроткост и смиреност, Атанасиј се издвојувал уште од младоста. Интересно е сведоштвото дека децата при играње ќе го избрале токму него за игумен – можеби како предзнаменување на неговиот иден животен пат.

По завршувањето на образованието, Атанасиј – кој тогаш го носел името Аврамиј – се повлекол во Малеинската пустина, во близина на Света Гора. Таму станал ученик на свети Михаил Малеин, познат пустиножител. Но, жеден за подлабок подвиг и потполно безмолвие, се преселил на Света Гора Атонска. Иако дошол таму со желба за осаменички живот, неговата духовна мудрост и добродетелност привлекле многу монаси околу него.

Со благослов и помош од византискиот цар Никифор Фока – кој и самиот имал желба за монаштво – Атанасиј ја основал познатата Велика Лавра, првиот голем манастир на Света Гора. Подоцна, и цар Јован Цимисхиј го продолжил покровителството. Во оваа лавра, Атанасиј востановил строг монашки ред, заснован на општежитието, со јасни правила, молитвен и работен ритам.

Преку својот живот преподобниот бил изложен на многубројни искушенија – од демони, но и од луѓе. Но со храброст, смирение и постојана молитва ги победувал сите напади. Како награда за неговата вера и подвиг, му се јавила Пресвета Богородица, која чудесно извела вода од карпа и му ветила дека таа ќе биде вечно Игуманија на неговата лавра.

Свети Атанасиј не бил само духовен водач, туку и пример во сè – во работата, молитвата и љубовта кон браќата. Неговата смрт била ненадејна: при обид да провери дел од градбата на нова припрата, ѕидот се урнал врз него и шестмина монаси. Тоа се случило во 980 година.

По својата блажена смрт, свети Атанасиј не го напуштил својот народ – многупати им се јавувал на браќата од лаврата, или за да ги утеши, или за да ги поучи. И денес, неговото дело живее преку лаврата и монашкото предание на Света Гора, а неговиот лик блеска како светилник на духовниот подвиг и вистинското Христово следење.

Нека неговата молитва биде со сите нас.