Денеска се празнува Преподобен Антониј Велики

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Денеска се празнува Преподобен Антониј Велики

23 јули 2025

• од Станча Јаќимовски

Свети Антониј Велики, познат како еден од најзначајните христијански подвижници и основоположник на монаштвото, е роден околу 250 година во египетското село Кома, близу Хераклеја. Потекнува од благородно и богато семејство, но уште во младоста покажал длабока побожност и желба за духовен живот.

По смртта на своите родители, Антониј си го подели наследството со својата малолетна сестра. Нејзе ја згрижи кај роднини, а својот дел од имотот целосно им го раздаде на сиромасите. На само дваесетгодишна возраст се повлече од светот и се посвети на подвижништвото – живот во молитва, пост и духовна борба. Прво живееше во близина на своето село, но поради се поголемиот интерес од луѓето, се оддалечи во пустината на брегот на Црвеното Море. Таму помина дваесет години во целосна осаменост, во непрестајна молитва и богомислие, поднесувајќи ги демонските искушенија со огромна трпеливост и вера.

Славата за неговата светост се прошири низ целиот христијански свет. Околу него почнаа да се собираат многу ученици, желни да го следат неговиот пример и учење. Антониј ги поучуваше со својот личен пример и мудри зборови, водeјќи ги на патот кон спасението.

Во текот на 85 години од својот подвижнички живот, свети Антониј само двапати ја напушти пустината. Првиот пат отиде во Александрија за време на гонењата на христијаните, надевајќи се на мачеништво. Вториот пат беше повикан од свети Атанасиј Велики, за да ја отфрли клеветата на Ариевците кои лажно тврдеа дека и тој ја прифатил нивната ерес.

Иако некнижевен, Антониј бил советник и духовен учител на многумина, вклучувајќи го и самиот Атанасиј. Еднаш, кога група елински философи се обиделе да го посрамотат со својата мудрост, Антониј ги засрамил со едноставно прашање: „Што е постаро: разумот или книгата?“ Со тоа им покажал дека вистинската мудрост не се наоѓа во книгите, туку во живиот разум и добродетелниот живот.

Свети Антониј постигна духовно совршенство какво ретко се гледа во човечкиот живот. Длабоко поштитуван и сметан за татко на христијанското монаштво, тој се упокои во Господа во 356 година, исполнет со добродетели и свето живеење. Неговото дело и пример оставија неизбришлива трага во историјата на Црквата и духовниот живот.