Даути: Казнета за носење маица со натпис „Етничка Албанија“, но не и за скандирање „Смрт за Албанците“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Даути: Казнета за носење маица со натпис „Етничка Албанија“, но не и за скандирање „Смрт за Албанците“

02 април 2026

• од Станча Јаќимовски

Во јавноста се отвора сериозна дебата за двојните стандарди во постапувањето на институциите кога станува збор за говор на омраза и симболика поврзана со етничкиот идентитет. Публицистот Азам Даути преку објава на социјалните мрежи реагира на, како што вели, селективната правда што се применува во вакви случаи.

Според него, недозволиво е да се санкционира носење маица со уметнички приказ што ги претставува просторите каде што живеат Албанците, додека во исто време остануваат неказнети поединци кои јавно извикуваат пораки како „смрт за Албанците“.

„Се казнува една маица со симболичен и уметнички израз, а не се казнуваат повиците на омраза и насилство. Тоа не е само неправда, туку организиран пристап што создава чувство на нееднаквост и несигурност кај еден народ“, пишува Даути.

Тој укажува дека ваквите појави не само што ја нарушуваат довербата во институциите, туку и придонесуваат за нормализација на говорот на омраза во општеството. Дополнително, поставува прашање зошто одредени провокации и навреди, дури и кога се насочени кон други етнички заедници, поминуваат без соодветна реакција.

„Кога омразата не се санкционира, таа станува прифатлива. Тоа е опасен тренд што може да има долгорочни последици врз меѓуетничките односи“, додава тој.

Реакцијата на Даути отвора пошироко прашање за доследноста во примената на законите и потребата од еднаков третман на сите граѓани, без разлика на нивната етничка припадност.

Ова е став изнесен во јавна објава на публицистот Азам Даути.