Бошков: Непродуктивноста се користи како флоскула за да не се зголеми минималецот

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Бошков: Непродуктивноста се користи како флоскула за да не се зголеми минималецот

16 февруари 2026

• од Вардарски

Миле Бошков, претставник на Конфедерација на работодавачи на Северна Македонија, во неделно интервју за Радио Слободна Европа изјави дека аргументот за „непродуктивност“ често се користи како изговор за да не се зголеми минималната плата во земјава.

Само мал дел компании мерат продуктивност

Според Бошков, од околу 50 компании во државата имаат воведено стандарди за мерење на продуктивноста, додека останатите не применуваат системски пристап во оваа област. Тој смета дека токму поради тоа, терминот „непродуктивност“ се користи како флоскула, без реални и мерливи показатели.

„Одговорно тврдам дека непродуктивноста се користи како флоскула за незголемување на минималната плата – дека работодавачите не знаат, ама мора да научат што значи продуктивност“, истакна Бошков.

Поддршка за зголемување на минималната плата

Во однос на ставот на Конфедерацијата за зголемување на минималната плата, Бошков нагласи дека организацијата го поддржува растот, особено затоа што веќе постои утврден механизам за усогласување.

Тој потсети дека во март се очекува ново покачување на минималната плата согласно законското усогласување. Дополнително, како предлог-мерка, Конфедерацијата предложила за износот на зголемување од 600 до 6.000 денари да се овозможи ослободување од социјални придонеси.

Според него, со ваков пристап и работодавачите и Владата можат да придонесат кон повисоки плати, со што би се зајакнал животниот стандард на работниците.

Регулативите и корупцијата – клучни проблеми за бизнисот

Одговарајќи на прашањето кои се најголемите предизвици за бизнис-заедницата, Бошков ги посочи сложените регулативи и корупцијата.

Тој потсети на концептот на „регулаторна гилотина“, која во минатото имала позитивен почеток, но не дала целосни резултати. Според него, бизнисите се соочуваат со значително административно оптоварување преку парафискални процедури, давачки и различни извозни, увозни и производствени процедури.

Дополнителни бариери, како што наведе, постојат и во сфери како животната средина, енергетиката и транспортот, што дополнително го отежнува работењето на компаниите.

Бошков ја нагласи и корупцијата како сериозен системски проблем што негативно влијае врз деловното опкружување и конкурентноста на економијата.