Бодигардот на премиерот Мицкоски: „Не сум виновен“ – Ангел Самараков пред суд за одавање службена тајна

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Бодигардот на премиерот Мицкоски: „Не сум виновен“ – Ангел Самараков пред суд за одавање службена тајна

22 јули 2025

• од Станча Јаќимовски

Ангел Самараков, полициски службеник од Шестата управа на МВР и до неодамна дел од обезбедувањето на премиерот Христијан Мицкоски, денеска се појави пред скопскиот Кривичен суд како обвинет за одавање службена тајна. На прашањето на судот дали се чувствува виновен, Самараков кратко одговори: „Не сум виновен“.

Обвинителството тврди дека на 30 март 2025 година, околу 23 часот, на паркингот пред хотелот „Гарденија“ во Велес, Самараков му предал службени документи од МВР на сведокот Благоја Коруноски – документи кои, според обвинителството, претставуваат службена тајна. Обвинителката Ивана Трајчева наведе дека овие документи подоцна биле објавени на социјалните мрежи.

Според обвинението, Самараков наводно требало за ова да добие 50 илјади евра од извесна Лелита Трајковска Миленкова, што дополнително го отежнува случајот, бидејќи се тврди дека делото било сторено од користољубие. Тој е обвинет според член 360 став 2 во врска со став 1 од Кривичниот законик.

Одбраната, предводена од адвокатот Ивица Ефремов, ја оспорува валидноста на доказите на Обвинителството, тврдејќи дека тие се прибавени на незаконит начин и не можат да се користат во кривичната постапка. Адвокатот исто така посочи дека документите за кои станува збор не носат обележје на службена тајна и дека нема докази за користољубие.

Сведокот Благоја Коруноски не е присутен во земјата, па неговото сведочење е одложено за август. Обвинителството предложи и прикажување на две видео снимки – едната од вечерта кога наводно се случил настанот, а другата од друг временски период. Дополнително, во доказната постапка се вклучени и вештачени мобилни телефони, лаптоп и хард дискови.

Во судницата беше присутна и сопругата на обвинетиот, Сања Самаракова, која во минатото беше кандидатка на ВМРО-ДПМНЕ за советник во Општина Велес. Самараков е вработен во МВР од 2015 година, нема претходни осуди и има завршено Правен факултет со положен правосуден испит.

Судењето продолжува, а јавноста со голем интерес го следи случајот поради високопрофилната природа на обвинетиот и можните политички импликации.

Извор: Слободен Печат