Битиќи: Намалувањето на ДДВ за нафтените деривати не е решение за енергетската криза

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Битиќи: Намалувањето на ДДВ за нафтените деривати не е решение за енергетската криза

24 март 2026

• од Станча Јаќимовски

Пратеникот од СДСМ, Фатмир Битиќи, оцени дека намалувањето на данокот на додадена вредност (ДДВ) за нафтените деривати не претставува доволна и одржлива мерка за справување со актуелната енергетска и економска криза во земјата.

Во изјава за медиумот „Независен“, Битиќи истакна дека ваквата мерка има ограничен ефект и не ги адресира суштинските причини за кризата.

„Само намалувањето на ДДВ не го решава енергетскиот проблем. Тоа е само ставање фластер на рана, а не вистинска терапија за процесите што доведуваат до проблемот“, нагласи Битиќи.

Тој предупреди дека доцнењето со соодветни мерки носи директни последици за граѓаните и економијата. Според него, во услови на криза, секое одложување значи продлабочување на проблемите.

„Кога чекате три недели во вакви услови, не стоите во место – се движите наназад и дозволувате кризата да се прошири. Актуелната позиција на Владата овозможува функционирање на механизам преку кој привремениот шок се претвора во траен удар врз цените. Затоа велам дека задоцнета мерка не е неутрална – таа има цена што граѓанинот ја плаќа денес, а економијата утре“, изјави Битиќи.

Битиќи дополнително потенцира дека кризата не се манифестира само преку зголемените цени на горивата, туку има пошироки импликации. Според него, станува збор за геополитички потрес кој влијае врз снабдувањето со енергија и носи ризик од нов бран поскапувања во повеќе сектори.

„Ова не е само ценовен шок на бензинските пумпи. Станува збор за геополитичка криза што влијае на енергетското снабдување, со реален ризик од раст на цените во транспортот, храната, логистиката и услугите“, рече тој.

Тој додаде дека доколку Владата смета дека проблемот може да се реши со едноставна даночна интервенција, тоа укажува или на неразбирање на кризата или на обид за смирување на јавноста со недоволни мерки.

„Кога една влада мисли дека со една даночна корекција го решила проблемот, тогаш или не ја разбира кризата, или се обидува да ја смири јавноста со половични решенија“, истакна Битиќи.

Воедно, Битиќи потсети на предложениот пакет мерки од страна на СДСМ, кој според него е насочен кон реално намалување на цените и директна поддршка на граѓаните, но, како што вели, Владата досега одбива да го прифати.

Тој апелираше за посеопфатен и навремен пристап во справувањето со кризата, со цел да се заштити животниот стандард на граѓаните и да се стабилизира економијата.