Арсовска: Полицајци гледаа додека насилникот ме клоцаше и ми се закануваше дека ќе ме силува

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Арсовска: Полицајци гледаа додека насилникот ме клоцаше и ми се закануваше дека ќе ме силува

11 јули 2025

• од Станча Јаќимовски

Скопската градоначалничка Данела Арсовска денеска беше физички нападната при увид на дивоградба спроти полициската станица во Чаир, во близина на пазарот Бит Пазар. По инцидентот, таа беше примена во Ургентниот центар при Градската општа болница „8 Септември“, од каде излезе со потресни сведоштва за насилството и заканите што ги доживеала.

„Пред очи на полицајци ме удираше со клоци и ми се закануваше дека ќе ме силува, а целото семејство ќе ми го убие,“ изјави Арсовска по излегувањето од болницата. Таа додаде дека насилникот прво ѝ се заканувал вербално со најпогрдни зборови, а потоа ја нападнал физички, додека полицијата, според нејзините зборови, не презела никаква конкретна акција освен што го оддалечила напаѓачот.

„Толпата викаше, ги напаѓаше луѓето од Градот, ги удираа со столици, ги плукаа… Напаѓачот се јавуваше на високи функционери во МВР и кажуваше што ќе ми направел – дека ќе ме убие, ќе ги ликвидира сите членови на моето семејство,“ рече Арсовска.

Од Министерството за внатрешни работи (МВР) потврдија дека по инцидентот се приведени две лица поврзани со нападот.

Арсовска информираше дека увидот се извршувал по пријава од граѓани за нелегална градба. Таа нагласи дека за истиот објект веќе еднаш биле на терен и поднесена е пријава до МВР, но институциите не реагирале. Според неа, објектот нема дозвола за градба, не плаќа комуналии и нелегално користи струја и вода.

„Постојано пријавуваме, но никој не презема ништо – ниту за дивоградбите, ниту за заканите што ги добивам,“ посочи градоначалничката.

Овој инцидент доаѓа само еден месец откако Арсовска, на 31 мај, достави документи до Обвинителството поврзани со незаконски легализации на дивоградби. На 27 јуни, пак, предаде нови докази до Обвинителството за гонење организиран криминал и корупција (ОЈОГОКК), обвинувајќи го градоначалникот на Чаир, Висар Ганиу, за криминални легализации.

Настанот предизвика бурни реакции во јавноста и повторно ја отвори темата за безбедноста на јавните функционери, заштитата на жените во политика и (не)функционирањето на институциите во борбата против урбаната мафија.