македонија18 декември 2023 Aнета Танеска нова в.д. директорка на Конзерваторски центар Скопје
Анета Таневска е нова в. д. директорка на Конзерваторски центар Скопје, велат од Министерството за култура за СДК.МК.
Таневска е советник-конзерватор која доаѓа на местото на Константин Димитровски, кого го разреши министерката за култура Бисера Костадиновска-Стојчевска оти е под истрага за уништување на културно наследство.
Димитровски на 13 декември беше приведен како осомничен за дивјачко уништување на културно наследство во Стара скопска чаршија. Димитровски е во домашен притвор за уривањето на хотелот „Шар ан“ кој со законот е прогласен за културно наследство.