Андонов од „Почетна Пресметка“: Народот да одлучи за внесувањето на Бугарите во Уставот

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Андонов од „Почетна Пресметка“: Народот да одлучи за внесувањето на Бугарите во Уставот

28 февруари 2026

• од Станча Јаќимовски

Во најновото издание на подкастот „Почетна Пресметка“, проф. Оливер Андонов изнесе конкретен предлог во однос на актуелната дебата за уставните измени и внесувањето на нови етнички заедници во Уставот на Македонија, меѓу кои и бугарската.

Според Андонов, премиерот Христијан Мицковски има можност во Собранието да иницира одлука за распишување референдум со јасно и еднострано прашање: дали граѓаните се за внесување во Уставот на уште пет етнички малцинства, вклучително и бугарското.

Тој смета дека на тој начин одговорноста би се префрлила директно кај граѓаните, наместо процесот да остане предмет на политички калкулации и меѓупартиски обвинувања. „Ете му решение“, посочува Андонов, алудирајќи дека со референдум би се ставила точка на долгата дебата околу гаранциите, условувањата и дополнителните барања кои, според него, постојано се отвораат.

Професорот оди чекор понатаму и предлага јасен политички исход: доколку иницијативата за референдум не добие поддршка од граѓаните, премиерот да поднесе оставка. Од друга страна, доколку референдумот биде успешен, да се пристапи кон спроведување на уставните измени.

Со ваквиот предлог, Андонов практично повикува на директна демократија како механизам за разрешување на едно од клучните политички прашања во државата. Според него, наместо „барање влакно во јајцето“ и постојано поставување нови услови, потребно е јасно изјаснување на народот и преземање политичка одговорност врз основа на резултатот.

Изјавата доаѓа во период на засилени политички тензии околу уставните измени, кои се поврзани со евроинтегративниот процес на земјата и односите со соседна Бугарија. Предлогот за референдум, доколку биде сериозно разгледан, би можел дополнително да ја продлабочи јавната дебата за насоката во која треба да се движи државата.