Адеми: На два спортски натпревари Албанците се третирани како граѓани од втор ред

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Адеми: На два спортски натпревари Албанците се третирани како граѓани од втор ред

22 февруари 2026

• од Станча Јаќимовски

Генералниот секретар на Демократска унија за интеграција, Арбер Адеми, реагираше по, како што наведува, сериозни инциденти на два фудбалски натпревари од Првата и Втората македонска лига, оценувајќи дека граѓани од албанска националност биле навредувани и третирани како „граѓани од втор ред“.

Во објава на социјалните мрежи, Адеми посочи дека на натпреварот меѓу ФК Вардар и ФК Башкими бил толериран отворен говор на омраза. Според него, наместо соодветна реакција, биле употребени специјални полициски единици против претставници на клубот, додека натпреварот продолжил без прекин.

„Два сериозни инциденти во нашиот фудбал не се случајности, туку се директна последица на неказнивоста и тивкото охрабрување дадено на оние што ги кршат правилата и поттикнуваат омраза“, наведува Адеми во реакцијата.

Тој се осврна и на вториот случај, на натпреварот помеѓу Шкендија Арачиново и ФК Преспа, каде, како што тврди, било побарано отстранување на албанското знаме со образложение дека „има наредба од горе“, иако употребата на национални симболи е регулирана со закон.

Според Адеми, ваквите постапки укажуваат дека проблемот не е спортски, туку политички. Тој обвини дека институциите не постапуваат еднакво и дека недостасува одговорност за сторителите на инцидентите.

Во својата објава, Адеми ја спомена и актуелната власт, предводена од ВМРО-ДПМНЕ, оценувајќи дека се создава клима во која Албанците се третираат како граѓани од втор ред.

„Ова веќе не е прашање на спортско ривалство, туку прашање на достоинство и еднаквост. Доколку фудбалските институции не се дистанцираат од политичките диктати и не постават еднакви стандарди за сите, тогаш вербата во фер натпреварот ќе биде заменета со убедувањето дека резултатот е одреден надвор од теренот“, стои во објавата на Адеми.