Денеска се празнува светецот, заштитник на Битола

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

ДРУГО

Денеска се празнува светецот, заштитник на Битола – Св. Некариј Битолски

18 декември 2025

• од Станча Јаќимовски

Денеска православните верници со особена почит го празнуваат споменот на Св. Нектариј Битолски, небесниот заштитник на градот Битола и еден од најзначајните македонски светители од доцниот среден век. Неговиот живот е исполнет со длабока вера, чудеса и целосна предаденост на Бога.

Преподобниот Нектариј Битолски е роден во Битола од побожни родители, а на крштението го добил името Никола. Живеел во тешко и немирно време, кога овие простори биле изложени на османлиските освојувања. Според преданието, неговата мајка еднаш заспала додека работела на гумното и во сон ѝ се јавила Пресвета Богородица, предупредувајќи ја дека Турците ќе дојдат и ќе нанесат големи зла. Таа ја посоветувала семејството навреме да побегне и да се засолни.

Семејството го послушало овој небесен совет и навистина, набргу по нивното заминување, Турците пристигнале и му нанеле многу страдања на населението. По смирувањето на состојбата, семејството се вратило живо и здраво, исполнето со благодарност кон Бога и Богородица за спасението.

Во поодминатите години, таткото на Никола, со благослов и согласност од сопругата, заминал во манастирот „Свети Врачи Кузман и Дамјан“ во близина на Битола. Таму се замонашил и го добил името Пахомиј. Манастирот често бил посетуван од локалното население, особено за време на празникот на Светите Врачи, кога верниците носеле бројни дарови.

Едно од најпознатите чуда поврзани со семејството на Нектариј се случило токму во манастирот. По една таква голема прослава, кога виното било целосно испиено поради големиот број народ, Пахомиј и неговите двајца синови слегле во подрумот за да ги измијат празните бочви. На нивно големо изненадување, тие ги затекнале бочвите повторно наполнети со миризливо и квалитетно вино. Ова чудо длабоко се врежало во душата на младиот Никола и уште повеќе ја зацврстило неговата желба за монашки живот.

Воден од таа духовна жед, Никола заминал на Света Гора. Таму бил примен од старецот Дионисиј, кој веднаш го одвел кај прозорливиот старец Филотеј. При нивната прва средба, старецот Филотеј го повикал по име и му го открил името на неговиот татко, што силно го изненадило Никола. Старецот му објаснил дека тоа знаење му било откриено од Бога и дека токму по Божја волја Никола дошол таму. Наскоро тој се замонашил и го добил името Нектариј.

Преподобниот Нектариј Битолски се упокоил на 5 декември 1500 година. Пет години по неговата смрт, неговите ученици го отвориле гробот и откриле дека од неговите свети мошти истекува миро и се шири благоухан мирис – сведоштво за неговата светост. И денес, неговите мошти почиваат во келијата на Света Гора каде што живеел и се молел, останувајќи духовна утеха и пример за вера за многу поколенија.

Со празнувањето на Св. Нектариј Битолски, Битола и нејзините верници се потсетуваат на длабоките духовни корени на градот и на светителот кој со својот живот и подвиг останал вечен заштитник и молитвеник пред Бога.