Денеска 2 април 2026 година се празнува: Преподобниот маченик Јован и другите со него

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

ДРУГО

Денеска 2 април 2026 година се празнува: Преподобниот маченик Јован и другите со него

02 април 2026

• од Станча Јаќимовски

Денеска православните верници го одбележуваат споменот на Преподобниот маченик Јован и другите монаси што пострадаа за верата Христова во светата обител на свети Сава Осветен, во близина на Ерусалим.

Овој славен манастир, кој постои и денес, низ историјата повеќепати бил изложен на напади од разбојнички арапски племиња. Сепак, по Божја промисла, тој секогаш бил обновуван и зачуван, сведочејќи за силата на верата и истрајноста на монашкиот живот.

Во времето на царувањето на Константин и Ирина, во 796 година, манастирот бил нападнат и ограбен. Монасите, иако свесни за опасноста, не сакале да ја напуштат својата обител. По советување со својот игумен Тома, тие донеле храбра одлука да останат, велејќи: „Ние побегнавме од светот во оваа пустина заради љубовта Христова. Срамота е да бегаме од пустината заради страв од луѓето.“

Со цврста вера и без оружје, тие ги пречекале напаѓачите како јагниња пред волци. Некои од монасите биле убиени со стрели, а други биле затворени во пештерата на свети Сава, каде што напаѓачите запалиле оган на влезот и ги задушиле со чад.

На тој начин, овие храбри монаси го завршиле својот земен живот како вистински Христови маченици, преселувајќи се во Царството Небесно на Оној Кого Го љубеле и на Кого Му служеле.

Нивното мачеништво се случило пред Велигден во 796 година, во времето кога јерусалимски патријарх бил Илија. Според преданието, напаѓачите не избегале од праведната Божја казна – на пат кон своите шатори се скарале меѓусебно и се уништиле едни со други.

Овој ден нè потсетува на силата на верата, пожртвуваноста и љубовта кон Христа, кои ги надминуваат сите стравови и искушенија.