13 февруари 2026
• од Станча Јаќимовски
Православната Црква денес ги прославува Светите Кир и Јован, бесребреници и чудотворци, како и светата маченичка Атанасија со нејзините три ќерки. Овие светители не биле браќа по крв, но биле соединети во духот, верата и љубовта кон Христа, оставајќи силно сведоштво за пожртвуваност и духовна сила.
Свети Кир најпрво живеел во Александрија, каде што бил лекар. Тој ги лекувал луѓето не само со материјални лекови, туку и со силата на Христовата благодат. Како вистински христијански лекар, разбрал дека многу болести имаат корен во духовната состојба на човекот. Затоа ги советувал болните преку пост, покајание и очистување од гревовите да го обноват и своето телесно здравје.
За својата служба не примал надомест, поради што е вброен меѓу бесребрениците – светители кои бесплатно им служеле на луѓето, потпирајќи се исклучиво на Божјата помош.
Во времето на царот Диоклецијан започнало жестоко гонење на христијаните. За да го зачува својот живот и да продолжи со духовниот подвиг, Кир се повлекол во Арабија, каде што се замонашил. Но неговата слава како чудотворец и исцелител брзо се проширила, па многумина доаѓале кај него барајќи помош и утеха.
Во тоа време, Јован – римски офицер од Едеса – слушнал за подвигот и светоста на Кир. Поттикнат од верата, отпатувал во Арабија за да го запознае. Нивната средба била пресудна: се засакаа како родени браќа и одлучија заедно да му служат на Бога. Оттогаш, нивните животи стануваат неразделни, обединети во подвиг и сведоштво.
Во градот Каноп, мачителите сурово ја измачувале христијанката Атанасија заедно со нејзините три млади ќерки:
Кога Кир и Јован дознале за нивното страдање, веднаш заминале во Каноп за да ги охрабрат и утврдат во верата. Благодарение на нивните зборови и духовна поддршка, Атанасија и нејзините ќерки храбро ги поднеле маките и биле погубени заради својата вера во Христа.
По овие настани, мачителите ги уапсиле и Кир и Јован. По долги измачувања и затвор, тие биле убиени со меч во 311 година. Со тоа го запечатиле своето сведоштво со крвта на мачеништвото.
Светите Кир и Јован извршиле безброј чуда и за време на животот и по својата смрт. Нивните мошти, во времето на царот Аркадиј, биле пренесени во Рим, каде што продолжиле да бидат извор на благослов и исцеление за верните.
Верниците особено им се обраќаат:
Нивниот пример останува сведоштво дека вистинското исцеление започнува од очистувањето на срцето, а вистинската љубов кон Бога се покажува преку жртва и верност до крај.
Бугарското собрание го ратификуваше Договорот за железничкиот тунел на Коридор 8
Ненадминливи Понуди Дневно
4.8 (10276 рецензии)
Заштедете 152.00 ден

